Novedades 2022-23 :: Inscripciones

Planvoludi/es pairs, mairs, tutors/tutritz legaus, sòcis e sòcies,

Un an mès, e dajà en son setze, era Associacion Esportiva Escolara dera Escòla Garona de Vielha premanís entara mainadèra deth centre un corròp d’activitats dehòra der orari lectiu e qu’an per objectiu promòir era practica esportiva per miei de disparières disciplines en tot potenciar valors intrensics der espòrt com er esfòrç, era superacion personau, eth companherisme, era cooperacion, era fòrça de voluntat, era igièna e era reponsabilitat enter d’autes.

Nauetats entath cors 2022-23

Per motoius organizatius auem Gimnastica Esportiva e Rtmica.
Iniciacion as Jòcs, Psicomotricitat e Expression Corporau: ampliam era aufèrta esportiva entara mainadèra d'Educacion Infantila.
Introduccion entàs Corses de montanha: ua o dues tardes a escuélher entà començar a descrobir eth trail.
Introduccion ara escalada. Reprenem era activitat que se realizarà en rocòdrom deth Palai de Gèu.

Calendari e Orari des activitats

Meddia: de 13:00 a 15:00 ores.
Tardes: A compdar des 17:00 es activitats i auràn activitats entara mainadèra de dusau cicle o entà tota Educación Primària.
Auem previst començar es activitats eth pròplèu 2 d''octobre e finalizar-les eth 31 de mai.

Quòta de sòci/a de 30€ que permet:

Dret a participar en totes es activitats esportives que s’organizen pendent eth cors 2022-23.
Assegurança esportiva annau de grana cobertura (crobís totes es activitats dera Associacion Esportiva e totes aqueres organizades peth Conselh Esportiu dera Val d’Aran).

Prètzi e formes de pagament:

Toti es pagaments seràn per mieis telematics e se poirà escuélher hèr eth pagament totau o hèr eth fraccionament d'enquia 8 viatges.
Totes es activitats de meddia an un prètz de 12€/mes (36€ per trimèstre / 96€ per cors) 30€ de quòta de sòci/a. (exemple 1: quòta de sòci/a + ua activitat = 126€ per cors - exemple 2 - quòta de sòci/a + dues activitats = 222 per cors). Totes es activitats de tarde an ua durada d'ua ora e mieja e an un prètz de 15€ ath/mes.

Entà mès informacion vos podetz adreçar ath coordinador David Bernal,

a aee.escola.garona@gmail.com
o https://aeeescolagarona.wordpress.com

Nauetats entath cors 2022-23

Quòta de sòci/a de 30€ que permet:

Prètzi e formes de pagament:

ENTÀ QUE SE HÈSQUEN ES ACTIVITATS CALERÀ MINIMUM 8 PARTICIPAIRES